Qozog‘istonda urush faxriylariga 3200 dollar to‘lanishi ma’lum qilindi
Olam
−
26 aprel 2023 3778
Hozirda Qozog‘istonda 237 nafar Ulug‘ Vatan urushi faxriysi istiqomat qiladi. 9 mayga qadar ularning har biriga kamida 1,5 million tenge (3,2 ming dollar) to‘lanadi. Bu haqda Mehnat va aholini ijtimoiy muhofaza qilish vaziri Tamara Duysenovaga tayanib, “Tengrinews” xabar berdi.
“Ularga 9 may kuni barcha sohalar bo‘yicha 1,5 million tenge miqdorda tegishli moddiy rag‘batlantirish to‘lanadi. Ehtimol ko‘proqdir, hozircha hokimliklarning taklifi bilan kamida 1,5 million tenge”, deydi Tamara Duysenova.
2021 yilda Qozog‘istonda 665 nafar Ulug‘ Vatan urushi qatnashchisi va nogironi, 2022 yilda esa 387 nafar shunday kishi yashagan.
O‘tgan yili 9 mayga qadar ularga kamida 1 million tenge (2191 dollar) to‘langan.
Live
Barchasi
