Қозоғистонда аёл эрини ўлдириш учун қотил ёллади
Олам
−
04 Март 6795
Ғарбий Қозоғистон вилоятида полиция ёлланма қотилликда гумонланганларни қўлга олди. Бу ҳақда Polisia.kz хабар берди.
Қайд этилишича, Ғарбий Қозоғистон вилоятининг икки нафар фуқароси режалаштирилган жиноят жойида қўлга тушган. Жиноят ташкилотчиси эри билан мулкни бўлишишни истамаган ва шу сабабли уни ўлдириш учун пул тўлаган аёл экани маълум бўлган.
Тергов маълумотларига кўра, аёл қурол сотиб олиш ва мақсадини амалга ошириш учун 1,3 миллион тенге (тахминан 2 минг 900 доллар) сарфлаган. Ҳозирда суиқасд бўйича тергов ҳаракатлари олиб борилмоқда.
“Гумонланувчиларга 20 йилгача қамоқ жазоси берилиши мумкин. Полиция маълумотларига кўра, жабрланувчининг ҳаёти хавф остида эмас. Бошқа маълумотлар тергов манфаати учун ошкор этилмайди” дейилади хабарда.
Сарвар Хуррамов
Live
Барчаси
