Қозоғистон сунъий ҳаво берувчи мосламаларни ишлаб чиқаришни бошлади

Олам

image

Қозоғистоннинг “Kazakhstan Aselsan Engineering Engineering LLP” компанияси пандемия шароитида стационар механик шамоллатиш мосламаларини (ИВЛ) ишлаб чиқаришни ташкил этди. Мамлакат Бош вазири Асқар Мамин ушбу заводда бўлиб, ишлаб чиқариш жараёнлари билан танишди

Ушбу қурилма катталар ва болаларнинг шифохоналардаги интенсив терапия бўлимларида ўпкасини узоқ вақт шамоллатиш учун мўлжалланган. 

Қайд этилишича, шамоллатиш мосламаси Қозоғистон Республикаси Соғлиқни сақлаш вазирлиги талабларига жавоб беради ва тиббиёт мутахассисларидан ижобий эксперт хулосасини олган ҳолда Нур-Султондаги кўп тармоқли юқумли касалликлар марказида муваффақиятли синовдан ўтказилган. 

Бугунги кунда шамоллатиш мосламаларини ишлаб чиқариш 30 фоизгача маҳаллийлаштирилган.  Келажакда уни 50 фоизга ва ундан кўпроққа ошириш имконияти мавжуд. 

Вентиляторлар ишлаб чиқаришда Қозоғистон Республикасининг бошқа мудофаа корхоналарининг технологик салоҳияти иштирок этади. Соғлиқни сақлаш вазирлигининг буйруғига биноан шамоллатиш мосламалари мамлакатнинг барча минтақаларидаги тиббиёт муассасаларига шу йилнинг сентябрь-октябрь ойлари давомида 1500 дона миқдорда етказиб берилади. 

Шамоллатиш мосламаларини йиғиш билан бир қаторда корхонанинг муҳандис-техник ходимлари тиббиёт муассасаларида ускунани ишлатиш бўйича тиббиёт ходимларини ўқитадилар, шунингдек, ҳафтанинг ҳар куни 24 соат давомида техник ёрдам кўрсатадилар. Компания маҳсулотига 3 йиллик кафолат муддатини тақдим этади. 

Ҳукумат раҳбари ишлаб чиқариш билан танишди ва маҳсулотларни мамлакатдаги тиббиёт муассасаларига ўз вақтида етказиб беришни таъминлашга кўрсатма берди. 


Мақола муаллифи

Теглар

Қозоғистон Асқар Мамин

Баҳолаганлар

25

Рейтинг

3.1

Мақолага баҳо беринг

Дўстларингиз билан улашинг