Qatarlik futbolchi JCHdagi bir goli uchun pulga “ko‘mildi”

Qatar Investitsiya boshqarmasi Boalem Huxiga 3 million dollar hamda qiymati 500 ming dollardan ortiq bo‘lgan eksklyuziv Rolls-Royce Phantom avtomobilini sovg‘a qildi. Bu haqda “The Touchmine” nashr xabar berdi.

Qatarlik Boalem Huxining 2026 yilgi Jahon chempionatida Shveysariyaga qarshi o‘yinda 94-daqiqada urgan goli uning faoliyatidagi eng muhim va tarixiy lahzalardan biri bo‘ldi. Aynan shu gol Qatar terma jamoasiga uzoq kutilgan durang natijani va Jahon chempionati tarixidagi ilk ochkosini taqdim etdi.

Saxiy homiylar va jamoa rahbariyati futbolchini rag‘batlantirish maqsadida yirik mukofot tayyorladi. Ushbu hal qiluvchi gol uchun unga 3 million dollar miqdorida pul mukofoti va qiymati 500 ming dollardan ortiq bo‘lgan hashamatli Rolls-Royce Phantom avtomobili berilishi belgilandi.

Qizig‘i shundaki, o‘yindan so‘ng epizod VAR orqali qayta ko‘rib chiqilganda, to‘p Shveysariya himoyachisi Miro Muheymga tegib ketgani aniqlanib, gol rasman avtogol sifatida qayd etildi.

Biroq bu holat mukofotga ta’sir qilmadi – Boalemning bosimi va harakati ushbu golga sabab bo‘lgani uchun va’da qilingan barcha bonuslar va avtomobil unga topshiriladi.