Қатарда Ўзбекистон тарихи намойиш этилди

Қатардаги музейда Ўзбекистоннинг тарихи ва анъаналари, ҳамда бугунги кунига бағишланган кўргазма ташкил этилди. Бу ҳақда Ўзбекистон Президенти Администрацияси раҳбари Саида Мирзиёева ўзининг Telegram-каналида маълум қилди.

Қайд этилишича, кеча, 2 сентябрь куни Саида Мирзиёева Шайха Ал-Маясса бинт Ҳамад бин Халифа Ол Соний билан биргаликда Қатар Ислом санъати музейида ташкил этилган “Ўзбекистон: ҳаракатдаги мерос” кўргазмасининг очилишида иштирок этган.

Ушбу э​кспозитсияда Ўзбекистон музейлари ҳамда Қатар коллекцияларидан ўрин олган ноёб экспонатлар жамланган. Хусусан, Ислом дини тарқалишидан  асрлар ва Сомонийлар, Темурийлар давларидан то бугунги кунгача бўлган тарихий босқичларни қамраб олган нодир осори-атиқалар, анъанавий ҳунармандчилик ва тўқимачилик санъати намуналари шулар жумласидан.

​”Бу – Қатар халқи ва унинг меҳмонларини бой тарихимиз ҳамда меросимиз билан яқиндан таништириш учун қулай имконият, шунингдек, Ўзбекистон-Қатар маданий алоқаларини янада ривожлантириш йўлидаги муҳим қадамдир”, дейди Президент Администрацияси раҳбари мазкур кўргазма тўғрисида.

​Билдирилишича, шу куни қатарлик 7 нафар ҳунарманднинг Тошкент, Самарқанд ва Бухоро бўйлаб ижодий сафари якунларига бағишланган “Экташиф Ўзбекистон” кўргазмаси ҳам ўз ишини бошлаган.

Унда Ўзбекистоннинг бой маданияти, анъаналаридан илҳомланган усталар томонидан яратилган нозик заргарлик буюмлари, хаттотлик санъати намуналари, нафис гиламлар ҳамда сафар таассуротларини акс эттирувчи фотосуратлар жамланмаси намойиш этилмоқда.