Қашқадарёда қидирувдаги эркак аёллар кийимида юрганида ушланди (видео)
Crime
−
17 March 26512 1 minute
Қашқадарё вилоятида қидирувга берилган 26 ёшли эркак қўлга тушмаслик учун аёллар кийимини кийиб юрган пайтида қўлга олинди. Бу ҳақда вилоят Ички ишлар бошқармаси хабар берди.
Маълум қилинишича, Қарши шаҳрида яшовчи 26 ёшли Р.Ж.га нисбатан Жиноят кодексининг 168-моддаси (фирибгарлик) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан қидирув эълон қилинган.
Ҳуқуқ-тартибот идораларидан яширинишга уринган эркак ташқи кўринишини ўзгартириб, аёллар кийимини кийган.
У патруль-пост хизмати ходимларида шубҳа уйғотган. Текширув давомида унинг шахси аниқланиб, қидирувда экани маълум бўлган. Ҳозирда у қўлга олинган ҳамда вақтинча сақлаш ҳибсхонасига жойлаштирилган.
Эслатиб ўтамиз, аввалроқ Андижон вилоятида юзини бурқа билан тўсиб юрган эркак жавобгарликка тортилганди.
Live
All
