Италияда 77 фоиз ўсмирлар телефонга қарам бўлиб қолган – сўровнома

Италиялик ўсмирларнинг 77 фоизи телефонларига қарам бўлиб қолган. Бу ҳақда Ижтимоий огоҳлантириш ассоциациясига таяниб, “Euronews” хабар берди.

Ассоциацияси томонидан ўтказилган сўров натижаларига кўра, италиялик ўсмирларнинг 77 фоизи  қурилмаларга қарам деб ҳисоблаган. Шунингдек, кўпчилик ўсмирлар ўз хатти-ҳаракатларини ўзгартириш учун воситалар ёки ёрдамга эга эмасликларини билдирган. Мутахассислар буни оилавий ва таълим муаммолари билан боғлаган ва фақат ижтимоий тармоқларга тақиқ қўйишнинг ўзи етарли эмаслигини айтган.

Мамлакат Миллий соғлиқни сақлаш институти маълумотларига кўра, 15 ёшдан 18 ёшгача бўлган 100 мингга яқин ёшлар ижтимоий тармоқларга қарам бўлиб қолиш хавфи остида. Бу масала халқаро миқёсдаги мунозараларнинг марказида ҳам турибди. Ўтган йилнинг ноябрь ойида овоз берилган резолюция билан Европа Парламенти ижтимоий платформаларга кириш учун минимал ёшни 16 ёш қилиб белгилашга чақирган.

Франция, Испания ва Италия 15 ёшгача бўлганларнинг ижтимоий платформалардан фойдаланишини тақиқловчи қонунни жорий этишни кўриб чиққан. Қонунчилик воситаси зарур, аммо ҳукумат буларни етарли эмас деб ҳисоблаган.

“Муаммо таълим билан боғлиқ. Тақиқлашнинг ўзи етарли эмас, ҳақиқатан ҳам биз рақамли технологияларни ёпишга эмас, балки ҳаётга очилишга эътибор қаратишимиз керак. Биз болаларни ҳудуд билан қайта боғлашимиз керак”, дейди Италиянинг “Болалар билан” (Con i Bambini) нодавлат нотижорат ташкилотида институционал фаолиятлар бўйича раҳбари Симона Ротонди.  

Эслатиб ўтамиз, аввалроқ Португалия парламенти 16 ёшгача бўлган болалар учун ижтимоий медиа платформаларини чеклаш тўғрисидаги қонун лойиҳасини маъқуллаган ва буни амалга оширган энг сўнгги Европа давлати бўлгани ҳақида хабар берилганди.