Исталмаган келин Меган Марклдан Елизавета II билан видолашишга келмаслик сўралди

Олам 30028
image

Британия шаҳзодаси Гарри отасининг илтимосига биноан америкалик рафиқаси Меган Марклсиз қиролича Елизавета II билан хайрлашиш учун Шотландиянинг Балморал қасрига келди. Бу ҳақда “The Sun” газетаси хабар берди. 

Унинг сўзларига кўра, Буюк Британия қироли Чарльз III, ўша пайтда тахт вориси шаҳзода Чарльз ўғлига телефон орқали хотини билан Шотландияга келиш ноўрин эканлигини айтган. 

"Чарльз Гаррига Меганнинг Балморалда бўлиши бундай қайғули пайтда нотўғри ва номақбул бўлишини айтди. Унга [шаҳзода Уильямнинг тўнғич ўғлининг рафиқаси] Кейт [Миддлтон] бормаслиги ва одамлар сони ҳақиқатан ҳам энг яқин оила аъзолари билан чекланиши кераклиги таъкидланди”, дейди ёзмоқда нашр ўз манбасига таяниб. 

Газетанинг аниқлик киритишича, Елизавета II нинг аҳволи 8 сентябрь куни ёмонлашганидан сўнг унинг икки нафар фарзанди – шаҳзода Чарльз ва малика Анна Қиролича билан видолашишга муваффақ бўлган. Улар Шотландияда эдилар ва зудлик билан қалъага етиб борган, у ерда соат 16:30 да 96 яшар Қироличанинг жони узилган. Қолган болалари ва неваралари кейинроқ етиб келган. 

Монархнинг тўнғич ўғли 73 ёшли Чарльз III исмини олди. У 9  сентябрь куни телевидение орқали халққа мурожаатида у АҚШда доимий яшайдиган шаҳзода Гарри ва Меган Маркл ҳақида гапирди.  

"Шунингдек, Гарри ва Меганга севгимни изҳор қилмоқчиман, чунки улар чет элда ҳаёт қуришда давом этмоқдалар", дейди у. 

Шаҳзода Гарри ва унинг рафиқаси тахминан икки йил аввал Британия қироллик оиласининг юқори мартабали аъзолари мақомидан воз кечиш ва молиявий мустақилликни таъминлаш ниятида эканликларини эълон қилишган. 2020 йил 31 мартдан бошлаб эр-хотин саёҳатларда монархга расмий вакиллик қилиш, бошқа тантанали вазифаларни бажариш ва олий ҳазратлари унвонидан фойдаланиш қобилиятини йўқотди.

Qalampir.uz Tahririyati
Мақолага баҳо беринг
Баҳолаганлар: 1447
Рейтинг: 3
t
×