Исроил Мадримов 6-жангида қийин ғалабага эришди

Спорт

image

Профессионал бокснинг супер ярим ўрта (-69,85 кг) вазн тоифасида ҳаракат қилаётган ўзбекистонлик Исроил Мадримов (6-0, 5 КО) 37 ёшли америкалик Эрик Уокерга (20-3, 9 КО) қарши рингга кўтарилди.

Мадримо жангда ғалаба қозонди. Шу кунга қадар бешта жангда рингга кўтарилиб, барчасида нокаут билан ғалаба қозонган Мадримов, бу сафар тўлиқ 12 раунд ҳаракат қилди. 

Жангнинг дастлабки раундларида устунлик америкалик боксчи томонида бўлди, бироқ Исроил вақт ўтган сари вазиятни ўз томонига оғдирди ва бир неча раундни ўз фойдасига ҳал қилди. 7 ва 8-раундлар Мадримов учун қийин кечди. Бироқ ўзбекистонлик боксчи тезда ўзига келди ва 9-раундда рақибини чуқур нокаут ҳолатига туширишга муваффақ бўлди. Аммо бош ҳакам тушунарсиз қарори билан нокаутни бекор қилди ва Уокер ўзига келиб олиши учун беш дақиқалик танаффус берди.

Мадримов қолган раундларда ҳам фаоллик кўрсатди ва ҳатто 12-раундда рақибини нокдаун ҳолатига туширди. Якунда ҳакамлар бир овоздан (116-110, 116-111, 116-110) Исроилни ғолиб деб топди.

Мадримов якуний элиминатор жангида ҳам муваффақиятга эришиб, WBA жаҳон чемпионлик камари учун мажбурий даъвогарга айланди.

Аввалроқ, Шаҳрам Ғиёсов никарагуалик рақибини 3-раундда нокаутга учратиб, ғалаба қозонгани ҳақида хабар берган эдик.


Мақола муаллифи

Теглар

Исроил Мадримов

Баҳолаганлар

176

Рейтинг

3

Мақолага баҳо беринг

Дўстларингиз билан улашинг