Isroil armiyasi G‘azoning Buyuk masjidini vayron qildi

Isroil havo hujumi oqibatida G‘azodagi Umar masjidi vayron bo‘ldi. Bu haqda “Reuters” xabar berdi.

Nashrga ko‘ra, HAMAS guruhining bunday bayonoti ushbu harakat nazoratidagi OAV tomonidan keltiriladi, ular binoning qulagan devorlari va tomi, shuningdek, minora tagidagi katta yoriqni aks ettiruvchi fotosuratlarni ham nashr etgan.

Suratlarning qachon olinganini aniqlashning imkoni bo‘lmagan.

Umar masjidi (Buyuk masjid deb ham ataladi) G‘azo shahrining eski kvartalida joylashgan bo‘lib, u V asrda qurilgan va anklavdagi eng qadimgi va eng katta masjid hisoblanadi. U arablar istilosidan keyin masjidga aylantirilgan qadimgi nasroniylar ibodatxonasi o‘rnida joylashgan.

Ilgari masjid yaqinida yashagan, biroq Isroil va HAMAS o‘rtasidagi urush boshlanganidan so‘ng anklav janubiga evakuatsiya qilingan G‘azo sektori aholisi "Reuters” agentligining bino vayron bo‘lgani haqidagi xabarlariga izoh berib, Isroilning harakatlarini vahshiylik deb atagan.

Agentlik suhbatdoshlaridan biri 45 yoshli tikuvchi Ahmad Nemer Isroilni xotiralarni o‘chirishga urinayotganlikda ayblagan. 

Falastin ommaviy axborot vositalarining xabar berishicha, masjid Isroil tomonidan qayta-qayta o‘qqa tutilgan.

Hisob-kitoblariga ko‘ra, urush boshlangandan beri anklavda 104 ta masjid vayron qilingan. Anklav rasmiylari qadimiy me’moriy yodgorliklarni himoya qilishni so‘rab UNESCO'ga murojaat qilgan.