Испаниялик футболчи ПСЖ билан шартнома имзолади
Спорт
−
06 Июль 2023 2899
Франциянинг ПСЖ клуби испаниялик ярим ҳимоячи Марко Асенсио билан келишувга эришди. Бу ҳақда клуб Матбуот хизмати хабар берди.
Манбага кўра, Асенсио бугун, 6 июль куни жамоа билан 2027 йил 30 июнь кунига қадар мўлжалланган шартномани имзолаган. У яқинда Мадриднинг “Реал” клубини эркин агент сифатида тарк этган эди. Эндиликда Асенсио фаолиятини ватандоши Луис Энрике раҳбарлигида давом эттиради.
Маълумот учун, Марко Асенсио 2022/2023 йилги мавсумда “қаймоқранглилар” сафида 31 та учрашувда майдонга тушиб, 9 та гол ва 6 та голли узатмага муаллифлик қилган. Шунингдек, у жамоа билан 17 та совринни қўлга киритган.
