Илон Маск бойлар рейтингида Цукербергни “қувиб ўтди”
Олам
−
19 Ноябрь 2020 6876
Tesla ва SpaceX компаниялари раҳбари Илон Маск "Bloomberg" талқинига кўра, дунёнинг энг бой учинчи одамига айланди. Натижада Маск Facebook асосчиси Марк Цукербергни жойидан "ҳайдади".
Қайд этилишича, бугун, 19 ноябрь ҳолатига кўра, Маскнинг бойлиги 120 миллиард долларга, Цукербергнинг бойлиги эса 103 миллиард долларга баҳоланмоқда.
Агентлик маълумотларига кўра, Tesla акцияларининг 10 фоизга ўсгани сабабли Маскнинг бойлиги бир кунда 10,2 миллиард долларга кўпайган.
Бойлиги 183 миллиард долларга баҳоланувчи Amazon асосчиси Жефф Безос энг давлатманд одамлар рейтингида карвонбошилик қиляпти. Ундан кейинги ўринда Microsoft асосчиси Билл Гейтс 128 миллиард доллар бойлиги билан турибди.
19 ноябрь ҳолатига кўра, "Forbes" глобал рейтингида ҳам Маск (тўртинчи ўрин, 105 миллиард доллар) Цукербергдан (бешинчи ўрин, 99,9 миллиард доллар) ошиб кетган.
Аввалроқ, SpaceX компаниясининг Crew Dragon космик кемаси бортида тўрт астронавт билан Халқаро космик станцияга етиб боргани ҳақида хабар бергандик.
Live
Барчаси
