Илк бор ўзбекистонлик 4 шахматчи FIDE рейтингида ТОП-100 таликка кирди
Спорт
−
06 Сентябрь 2022 5893
Халқаро шахмат федерацияси (FIDE) сентябрь ойи учун жаҳон шахматчилари рейтингини эълон қилди. Унда ўзбекистонлик гроссмейстер Нодирбек Абдусатторов рейтингини 2713 га етказиб, жаҳон рейтингида 64-ўриндан 30-ўринга кўтарилди.
Нодирбек Абдусатторов Ҳиндистонда бўлиб ўтган жаҳон шахмат олимпиадаси ва Туркия суперлигасида жами 22 та ўйин ўтказиб, муваффақиятга эришгани сабаб шундай натижага эришди. У ёш шахматчилар рейтингидаги ўрнини икки поғонага яхшилаб, 4-ўринга чиқди.
FIDE’нинг ТОП-100 рейтингида ўзбекистонликлар сони илк марта 4 нафарга етди. Рустам Қосимжонов (2670) 72-ўринда бормоқда. Олимпиада чемпионлари — Нодирбек Ёқуббоев (2656) ва Жавоҳир Синдоров (2651) кучли юзталикка кириб, мос равишда 89- ва 92-ўринларни банд этишди.
Ўзбекистон шахмат федерацияси FIDE рейтингида 18-ўринга кўтарилди (+1).
Live
Барчаси
