Гвардиола АПЛдаги “Сити”дан кучлироқ жамоа номини айтди

Англиянинг “Манчестер Сити” клуби бош мураббийи Хосеп Гвардиола Англия Премьер лигасининг жорий мавсумида “Арсенал” “Сити”дан яхшироқ эканлигини айтди. Бу ҳақда “Goal” нашри ёзмоқда.

“Ҳар йили биз қайсидир маънода бошқалардан бироз яхшироқ эдик. Аммо бу Англия Премьер лигаси мавсумининг саккизта ўйини, холос. Муҳими, Премьер лигада ва Чемпионлар лигасида ўзимиз орзу қилган ҳолатдамиз. ЕЧЛнинг нимчорак финалига чиқишимиз учун битта ғалаба қозонишимиз етарли бўлади. Биз курашишимиз керак. ЧЛнинг гуруҳ босқичида “Боруссия Дортмунд”ни ортда қолдириб, биринчи ўринни эгаллаш жуда муҳим.

Премьер лигада эса ҳозирча биздан яхшироқ жамоа бор. Биз бир нарсани эсдан чиқара олмаймиз, хонимлар ва жаноблар, биздан яхшироқ бўлган битта жамоа бор. Бу ҳақиқат. Аслида "Арсенал" ҳозиргача биздан яхшироқ эди. Биз лигада биринчи ўринда эмасмиз, лекин асосийси у ерда (биринчи ўринда) бўлиш ва курашишга ҳаракат қилишдир”, деган “Сити” устози.

Маълумот учун, Англия Премьер лигасининг ортда қолган 8 та туридан сўнг, 21 очко жамғарган “Арсенал” мусобақа жадвалида етакчилик қилмоқда. Лондон клубидан бир очко кам жамғарган “Сити” эса иккинчи поғонага жойлашган.

Бугун, 8 октябрь куни “Манчестер Сити” АПЛнинг 9-тури доирасида  “Саутгемптон” қарши ўтказади. Учрашув Тошкент вақти билан 19:00да старт олади. “Арсенал” ўз ўйинини 9 октябрь, якшанба куни “Ливерпуль”га қарши ўтказади. Баҳс 20:30 да бошланиши режалаштирилган.