Греция қирғоқларида муҳожирлар бўлган кема ағанаб кетди. 79 киши қурбон бўлди (фото)
Олам
−
15 Июнь 2023 5153
Грецияда бортида Шимолий Африкадан келган муҳожирлар бўлган кема ағдарилиб кетди. 79 киши ҳалок бўлди. Бу ҳақда BBC нашри хабар берди.
Грециянинг “ERT” телеканали хабарига кўра, 100 дан ортиқ одам қутқариб қолинган. Кемада аниқ қанча одам бўлгани маълум эмас. Халқаро Миграция Ташкилоти 400 дан ортиқ бўлиши мумкинлигини маълум қилган. Маҳаллий ҳукумат омон қолганларнинг сонига таяниб, бортда 700 га яқин одам бўлиши мумкинлигини билдирди.
Қайиқ жорий йилнинг 10 июнь куни Ливиядан Италияга йўлга чиққани айтилмоқда. У Пилос шаҳри яқинидаги халқаро сувларда ағнаган. Расмийларнинг фикрича, ҳодиса қайиқда ҳаддан зиёд одам борлиги туфайли юз берган бўлиши мумкин.
“Йўқолган муҳожирлар лойиҳаси” халқаро ташкилоти маълумотларига кўра, 2014 йилдан буён Ўрта ер денгизини кесиб ўтишга уринган деярли 27 минг киши ҳалок бўлган ёки бедарак йўқолган.
Live
Барчаси
