Google’ning ukrain tilidagi sörovlarga javobi e’tirozlarga sabab böldi

Google qidiruv tizimi ukrain tilidagi sörovlarga rus tilidagi natijalarni taqdim etgani yuzasidan kompaniyaga rasmiy murojaat yöllandi. Bu haqda “Censor.NET” naşri xabar berdi.

Murojaatga ukrainalik harbiylar va uruş faxriylarining şikoyatlari sabab bölgan. Ularning aytişiça, Google’ga ukrain tilida sörov kiritilganda, qidiruv tizimi foydalanuvçining geografik joylaşuvini hisobga olib, rus tilidagi natijalarni körsatgan.

“Harbiy xizmatçilar raqamli muhitda tilning qöllanilişi bilan boğliq dolzarb masalani kötarişdi. Masalan, qidiruv tizimi ukrain tilidagi sörovga faqat foydalanuvçining geografik joylaşuvi sababli rus tilidagi natijalarni taqdim etmoqda. Qidiruv natijalarini şakllantiriş algoritmlari töğri işlayotganini tekşiriş uçun Google kompaniyasining boş ofisiga rasmiy xat yubordik”, deydi Yelena Ivanovskaya.

Uning bildirişiça, davlat tomonidan tilni raqamlaştirişga yetarliça e’tibor qaratilmasa va bu yönalişga tizimli sarmoya kiritilmasa, Ukraina asosiy yaşaş muhiti virtual makon bölgan yoş avlodni yöqotiş xavfiga duç keladi.

Ivanovskaya strategik çoralardan yana biri sifatida ukrain tilining barça söz şakllari va şevalarini qamrab oluvçi töliq davlat elektron tezaurusini yaratişni ham tilga olgan. Uning ta’kidlaşiça, bunday tezaurus katta til modellarini (LLM) sifatli öqitiş uçun zarur.