Гитлернинг адаши маҳаллий сайловларда ғалаба қозониши мумкин

Адольф Гитлер исмли сиёсатчи Намибияда маҳаллий сайловларда яна ўз номзодини қўймоқда. Бу ҳақда “Bild” хабар берди.

Намибиялик сиёсатчи, 59 ёшли Адольф Гитлер Уунона 2004 йилдан буён Омпудья сайлов округини бошқариб келади. 2020 йилда у деярли 85 фоиз овоз билан қайта сайланган.

Адольф Гитлернинг ўзи бу йил 26 ноябрда бўлиб ўтадиган маҳаллий сайловларда яна иштирок этишини маълум қилди. Мутахассисларнинг фикрича, у қайта сайланишда муваффақият қозонади.

Бир неча йил олдин у фашистлар диктатори Адольф Гитлер шарафига номланганини тасдиқлади ва отаси гўёки “Гитлер нимани ҳимоя қилганини” тушунмаслигини тушунтирди.

Унинг айтишича, у болалигида бу исмни мутлақо нормал исм деб ҳисоблаган ва нацистларга ҳеч қандай алоқаси йўқлигини ҳамда омма олдида фақат Адольф исмини қўллаганини қўшимча қилган.

Эслатиб ўтамиз, аввалроқ Намибия Президенти Хаге Геингоб 82 ёшида вафот этганди. Марҳум 2015 йил март ойида Намибия Президенти бўлган ва 2019 йилда қайта сайланган. Шунингдек, у 1990-2002 ва 2012-2015 йилларда икки марта мамлакат Бош вазири вазифасида фаолият юритган.