Германия иқтисодиёти азият чекмоқда

Германиянинг ялпи ички маҳсулоти пасаймоқда, мамлакат саноатига ва экспортига, айниқса AҚШ-Хитой савдо уруши ва Брексит оқибатлари таъсир кўрсатди, дея хабар беради RT.

Прогнозларга кўра, мамлакат иқтисодиётида пасайиш эҳтимоли 43 фоизни ташкил қилади. 

2019 йилнинг иккинчи чорагида Германия иқтисодиёти 0,1 фоизга тушди. Агар ушбу тенденция давом этса, ГФР олти йил ичида биринчи турғунликка дуч келади. Шундай қилиб, Германия ялпи ички маҳсулотнинг ўсиши ўша даврда бир оз ўсган Евро ҳудудининг “ташқи”ларидан бирига айланмоқда. Франция иқтисодиёти 0,2 фоизга, Испания 0,5 фоизга ўсди. Ялпи ички маҳсулотнинг ўсиши Голландияда ҳам кузатилди, унинг иқтисодий тузилиши немис тузилмасига ўхшаш. Германия иқтисодиётининг таназзулида саноат биринчи навбатда айбдор. Ушбу муҳим соҳада унумдорлик 2 фоизга пасайган. Бундан ташқари Германия товарлари экспорти 8 фоизга пасайди. 

Aгар Германия иқтисодиёти ҳақиқатан ҳам таназзулга юз тутган бўлса, унда глобал ва ички таркибий муаммолар туфайли, дейди “Die Welt” нашри. Масалан, Германиянинг энг муҳим экспорт соҳаларидан бири - автосаноат - Хитойдан талаб камлиги ва электр автомобилларига ўтиш туфайли муаммоларга дуч келмоқда.

Иқтисодий муаммолар немис сиёсатчиларининг фаоллигини кучайтирди: Германия меҳнат вазири Хубертус Хайл, агар мамлакат иқтисодий инқирозга дучор бўлса, меҳнат бозори учун махсус чоралар мажмуини эълон қилди. Aнгела Меркелга келсак, у иқтисодиётдаги вазиятни кузатаётганини ва вазиятнинг ривожланишига мувофиқ жавоб бермоқчи эканини билдирди, шунингдек ҳозиргача махсус чоралар учун бирон-бир сабаб кўрмаганини қўшимча қилд