Фюрининг Руис ва Усикка қарши жангларининг тахминий вақти аниқ бўлди
Спорт
−
13 Апрель 2023 4096
Британиялик профессионал боксчи Тайсон Фюри ёзда америкалик Энди Руисга, ноябрь ёки декабрда эса украиналик Александр Усикка қарши жанг қилиши мумкин. Бу ҳақда “Top Rank” промоутерлик компанияси раҳбари Боб Арум маълум қилди.
Тайсон Фюри ва Энди Руис тўқнашуви шу йилнинг ёзида Буюк Британияда бўлиб ўтиши кутилмоқда. Александр Усикка қарши мутлақ чемпионлик учун жанг эса 2023 йил охирида Саудия Арабистонида ўтказилиши кутилмоқда.
Фюри охирги марта 2022 йил декабрида ҳамюрти Дерек Чисорани техник нокаут билан мағлуб этган эди.
Маълумот учун, Фюри профбоксда умумий 34 та жангда 33 та ғалаба ва 1 та дуранг қайд этган. Британиялик боксчи 34 та жангнинг 24 тасини нокаут билан тугатган.
