Футболдаги адолатсизликдан “портлаган” “Турон” бош мураббийи ва президентига чора кўрилди

Спорт 15348
image
-

Ўзбекистон футбол ассоциацияси тартиб-интизом қўмитасининг навбатдаги йиғилиши бўлиб ўтди. Унга кўра, бир неча расмийларга нисбатан интизомий чоралар қўлланилди, деб хабар берди ЎФА Матбуот хизмати.

Ўзбекистон Суперлигаси 2-тури доирасида “Турон” клуби мураббийи Исломбек Исмоилов “Сўғдиёна” клубига қарши баҳсдан кейинги расмий флеш-интервью чоғида сўкинган ҳолда, этика нормаларини бузганлиги учун Тартиб-интизом қўмитаси унга нисбатан 2 та ўйинга четлаштириш интизомий чорасини белгилади. 

Шунингдек, “Турон” клуби президенти Абдуваҳоб Аҳмадалиев “Сўғдиёна” клубига қарши баҳсдан кейинги флеш-интервью чоғида ўз фикрларини қўпол тарзда билдиргани учун Тартиб-интизом қўмитаси унга нисбатан жарима интизомий чорасини белгилади.

Аввалроқ, “Сўғдиёна” - “Турон” баҳсини бошқарган ҳакам ўйин вақтида бир нечта вазиятда қўпол хатоликка йўл қўйиб, нотўғри қарорлар қабул қилгани учун номуайян муддатга футболдан четлатилгани ҳақида хабар берган эдик.

Суннатилла Абдуллаев
Мақолага баҳо беринг
Баҳолаганлар: 977
Рейтинг: 2.9
Теглар
t
×