Флорентино Перес ПСЖни “ухлатмоқчи”
Спорт
−
20 Июнь 2023 10012
Франциянинг ПСЖ футбол клуби 200 миллион еврога баҳолаётган ҳужумчи Килиан Мбаппени Мадриднинг “Реал” клуби раҳбарияти текинга олиб келиш ниятида. Бу ҳақда “Marcа” хабар берди.
Манбага кўра, Мбаппе учун катта қизиқиш билдираётган “Реал Мадрид” клуби эндиликда футболчининг трансферини кейинги йил ёзда амалга оширмоқчи.
“Қироллик клуби” ҳужумчининг эркин агентга айланиши ва Мадридга ҳеч қандай маблағ сарфламасдан олиб келиниши ҳақида бош қотирмоқда. Бу режа иш берадиган бўлса, ПСЖ “Реал”дан кутиб турган 200 миллион евро “қаймоқ ранглилар” чўнтагида қолади.
Маълумот учун, 2022/2023 йилги мавсумда Килиан ПСЖ сафида Франция чемпионатида 34 та ўйин ўтказиб, 29 та гол урди ва 5 та голли узатмани амалга оширди. “Transfermarkt” томонидан футболчининг трансфер қиймати 180, клуб раҳбарияти эса 200 миллион еврога баҳоланган.
Эсалатиб ўтамиз, аввалроқ Франциянинг ПСЖ клуби Испаниянинг “Реал” клуби билан Килиан Мбаппе трансфери бўйича музокара олиб бораётгани хабар қилинганди.
Муҳсинжон Умурзоқов
Live
Барчаси22 Октябрь
