FIFA Испаниянинг энг яхши жамоаларидан бирини жазолади

FIFA Испаниянинг “Атлетик Бильбао” клубига учта трансфер ойнасида янги футболчиларни рўйхатдан ўтказишни тақиқлади. Бу ҳақда “El Pais” нашри хабар беради.

Эълон қилинган маълумотларга кўра, санкция 3 та трансфер ойналарида амал қилади. FIFA томонидан клубга қўйилган чекловлар сабаблари бўйича ҳозирча расмий изоҳ бермаган.

Шуни таъкидлаш жоизки, “Атлетик Бильбао” ҳам ушбу санкциялар билан боғлиқ вазият бўйича расмий баёнот ёки изоҳ бермаган.

FIFA томонидан тақиққа учрайдиган жамоалар одатда молиявий низолар, регламент талабларига риоя қилмаслик ёки халқаро федерациянинг бошқа норматив талабларини бузиш ҳолатларида жазоланади.

Маълумот учун, “Атлетик Бильбао” Испаниядаги энг кўп совринли клублардан бири ҳисобланади. Басклар 8 та Испания чемпионати, 24 та Испания кубоги ва 3 та Испания Суперкубоги совринни қўлга киритган.

Эслатиб ўтамиз, аввалроқ Саудия Арабистонининг Криштиану Роналду тўп сурадиган “Ал-Наср” клубига FIFA янги футболчиларни рўйхатдан ўтказишни тақиқлаган эди.