FIDE'нинг янгиланган рейтингида ўзбек шахматчилари нечанчи ўринда?
Спорт
−
03 Июль 2023
4019Жаҳон шахмат федерацияси (FIDE)нинг июнь ойи учун янгиланган рейтинги эълон қилинди. Айни дамда кучли юзликда ёш ва йўналишлар бўйича 6 нафар ўзбекистонлик шахматчи қайд этилган.
Унга кўра, гроссмейстер Нодирбек Абдусатторов 24-ўринда кўрсатилган бўлса, гроссмейстер Рустам Қосимжонов 67-ўрин, гроссмейстер Жавоҳир Синдоров 82-ўриндан жой олди.
Шунингдек, энг кучли 20 ёшгача шахматчилар юзлигидан 5 нафар Ўзбекистон вакили ўрин олган.
Ёш жиҳатидан рейтингнинг 3-ўринида 19 ёшли Нодирбек Абдусатторов, 9-ўринда 18 ёшли Жавоҳир Синдоров ва 81-ўринда 17 ёшли Муҳиддин Мадаминов, қизлар ўртасида эса 35-ўринда 14 ёшли Афруза Ҳамдамова ҳамда 40-ўринда 17 ёшли Умида Омонова кўрсатилган.
Шахматнинг рапид йўналишида икки нафар ўзбекистонлик шахматчи кучлик юзликдан ўрин эгаллади. Улар, 26-ўринда Нодирбек Абдусатторов ва 58-ўринда Рустам Қосимжонов.
Рапид бўйича 20 ёшгача шахматчилар кучли юзлигига 5 нафар Ўзбекистон вакили киритилган.
Унда 19 ёшли Нодирбек Абдусатторов 3-ўринда, 18 ёшли Жавоҳир Синдоров 7-ўринда ва 17 ёшли Муҳиддин Мадаминов 54-ўринда, қизлар ўртасида эса 17 ёшли Умида Омонова 14-ўринда ҳамда 14 ёшли Афруза Ҳамдамова 37-ўринда қайд этилган.
Шу билан бирга, блиц йўналишида 1 нафар Ўзбекистон вакили рейтинг юзталигидан ўрин олган. У ҳам бўлса 25-ўрин билан Нодирбек Абдусатторов.
Блиц йўналишида 20 ёшгача бўлган шахматчилар юзлигидан 5 нафар ўзбек спортчиси киритилган.
Рейтинда 19 ёшли Нодирбек Абдусатторов 3-ўрин, 18 ёшли Жавоҳир Синдоров 11-ўрин ва 17 ёшли Муҳиддин Мадаминов 28-ўрин, қизлар ўртасида эса 17 ёшли Умида Омонова 5-ўрин ҳамда 14 ёшли Афруза Ҳамдамова 8-ўринда кўрсатилган.
LiveБарчаси