Файзуллаев ЦСКАдан кетадими? Агент жавоб берди

Ўзбекистон миллий терма жамоаси ва Россиянинг ЦСКА клуби аъзоси Аббосбек Файзуллаевнинг агенти ярим ҳимоячининг Москва клубини тарк этиши эҳтимолини баҳолади.

“Биз қишда Файзуллаев бўйича ҳеч қандай таклифни кўриб чиқмоқчи эмасмиз. Биз у билан бу масалани муҳокама қилдик ва энг муҳими бизнинг бу ҳақда умумий тушунчамиз бор. Бугун Файзуллаев Ўзбекистон терма жамоаси таркибида Қатарда бўлиб ўтадиган Осиё Кубогига тайёргарлик кўрмоқда. Агар у ушбу турнирда ўз савиясини кўрсата олса ва ЦСКА сафида ўйнашда давом этса, шунчаки таклифлар жуда яхши клублардан келган таклифларга айланади", дейди Қаҳҳор Мўминов.

Маълумот учун, 20 ёшли Файзуллаев Москва клуби сафида 18 та ўйинда майдонга тушиб, 2 та гол урди ва 9 та голли узатмани амалга оширди.

Эслатиб ўтамиз, аввалроқ Файзуллаев ЦСКАда кетма-кет 3 марта ойнинг энг яхши футболчиси бўлгани хабар қилинганди. Шунингдек, мазкур ойда футболчининг трансфер нархи ҳам анчагина ошди.