Фарғонадаги ОТМлар бирлаштириб юборилди
Жамият
−
29 Январь
8217Фарғона вилоятидаги олий таълим муассасалари фаолияти бирлаштириб юборилди. Бу ҳақда 24 январь куни қабул қилинган “Фарғона вилоятидаги олий таълим ташкилотлари фаолиятини янада такомиллаштириш чора-тадбирлари тўғрисида”ги Президент қарорида сўз боради.
Қарорга кўра, қуйидаги университетлар қайта ташкил этилади:
- Фарғона политехника институти ва Тошкент ахборот технологиялари университети Фарғона филиали негизида Фарғона давлат техника университети;
- Қўқон давлат педагогика институти, Тошкент давлат техника университети Қўқон филиали ҳамда Ўзбекистон давлат санъат ва маданият институти Фарғона минтақавий филиали негизида Қўқон давлат университети;
- Ўзбекистон давлат жисмоний тарбия ва спорт университети Фарғона филиалини қўшиб юбориш йўли билан Фарғона давлат университети.
Шунингдек, 2025/2026 ўқув йилидан:
- мазкур университетларнинг малака талаблари ва ўқув дастурлари юқори 300 талик рўйхатга кирган хорижий олий таълим ташкилотларининг дастурлари асосида ишлаб чиқилади;
- иқтидорли талабалар учун дарслар хорижий тилларда ўқитиладиган алоҳида гуруҳларда ташкил этилади;
- Фарғона давлат техника университетида Илғор муҳандислик мактаби ва “спин-офф” корхоналари фаолияти ташкил этилади ҳамда йирик ишлаб чиқариш корхоналари ва ташкилотлари саноат ҳамкори сифатида бириктирилади.
Тугатилаётган олий таълим ташкилотларида таҳсил олаётган барча талабалар ўқишини янгидан ташкил этилган тегишли университетларда давом эттиради.
LiveБарчаси
Тренддагилар

Ўзбекистонда 1 мартдан ойлик ва нафақалар ошадими?
37452
17 Февраль

1 апрелдан электр ва табиий газ тарифлари ошади
27014
17 Февраль

Самарқандда 7 нафар энергетика ходими йиғилиш вақтида қамоққа олинди
26946
17 Февраль

“Ман Сити” ўзбек рассомининг меҳнатини эътиборсиз қолдирмади (видео)
25324
17 Февраль