Фарғонада чақалоғини 10 минг долларга сотаётган аёл ушланди (видео)
3-саҳифа
−
16 Апрель 2023 7125
Фарғонада аёл 8 ойлик чақалоғини 10 минг АҚШ долларига сотаётган вақтда қўлга олинди. Бу ҳақда вилоят Ички ишлар бошқармаси хабар берди.
Маълумотларга кўра, аёл Фарғона шаҳар “Янги аср” кўчасидаги массажхонада яшаб, шу ерда ишлаган. У ўз боласини сотиб, эвазига тушган пулдан уй олмоқчи бўлган.
Олиб борилган тезкор тадбирда Учкўприк тумани “Катта Кенагас” қишлоғида аёл фарзандини 10 минг АҚШ долларига сотаётган вақтда қўлга олинган.
“Уйим йўқлиги сабабли боламни 10 минг долларга сотмоқчи бўлдим. Қилган ишимдан афсусдаман”, дейди аёл.
Ҳозирда мазкур ҳолат юзасидан терговга қадар текширув ҳаракатлари олиб борилмоқда.
Эслатиб ўтамиз, аввалроқ қорақалпоғистонлик аёл Қозоғистонда фарзандларини сотиб юборганди.
Live
Барчаси
