Эрон Олий раҳбари “Қудс”нинг янги қўмондонини тайинлади

Олам 6392
image

Эрон Олий раҳбари Оятулло Али Ҳоманаий вафот этган генерал Қосим Сулаймоний ўрнига Исмоил Қоонини Ислом инқилоби посбонлари корпусининг “Қудс” бўлинмаси раҳбари этиб тайинлади.

Исмоил Қоони бригада генерали ҳисобланади. У Эрон-Ироқ урушида қатнашган. “Қудс”га раҳбар бўлгунча Қосим Сулаймонийнинг ўринбосари бўлган ва у билан Яқин Шарқда хизмат қилган.

Эслатиб ўтамиз, кеча, 2 январь куни “Қудс” бўлинмасининг Яқин ва Ўрта Шарқда машҳур бўлган генерали Қосим Сулаймоний АҚШнинг Бағдод аэропортида ўтказган ҳарбий операцияси натижасида ҳалок бўлди.

Эрон Сулаймонийнинг ўлими учун АҚШдан қасос олишга ваъда берди.

Суннатилла Абдуллаев
Мақолага баҳо беринг
Баҳолаганлар: 176
Рейтинг: 2.9
t
×