Эрон қўшниларининг аэропортларини ишдан чиқариш билан таҳдид қилди

Эрон қўшни давлатлар АҚШ билан ҳамкорлик қилиб, Эрон рейсларини тўхтатса, уларнинг аэропортлари фаолиятини издан чиқаришини маълум қилди. Бу ҳақда “Reuters” хабар берди.

Эрон Олий миллий хавфсизлик кенгаши котиби Муҳсин Ризоий жорий йилнинг 23 сентябрь куни давлат телевидениесига берган интервьюсида қўшни давлатлар Эрон рейсларини тўхтатишда АҚШ билан ҳамкорлик қилса, Теҳрон уларнинг аэропортлари ишлашига йўл қўймаслигини айтган.

Унинг бу баёноти АҚШ Молия вазири Скотт Бессентнинг 21 сентябрь куни билдирган фикрларидан кейин янграган. Бессентнинг айтишича, иккиламчи санкциялар қўлланиши таҳдиди сабаб барча Эрон авиакомпаниялари 23 сентябрдан фаолиятини тўхтатишга мажбур бўлади.

Маълумотларга кўра, бу ҳолат АҚШ ва Эрон ўртасидаги уруш бошланганидан етти ой ўтган бир пайтда юз бермоқда.

Эслатиб ўтамиз, аввалроқ Эроннинг Varesh Airlines авиакомпаниясига тегишли Теҳрон–Душанбе рейси парвозга чиққанидан сўнг йўналишини ўзгартириб, Теҳрондаги Имом Хомайний аэропортига қайтишга мажбур бўлгани ҳақида хабар берилган эди.