Эркак 20 та олтин қуймасини тасодифан чиқиндига ташлаб юборди 

Италиянинг Торре Лапилло шаҳрида эркак тасодифан 20 та олтин қуймасини чиқиндига ташлаб юборди. Бу ҳақда “Il Fatto Quatidiano” хабар берди.

Маълум бўлишича, 57 ёшли италиялик йиллар давомида йиғиб келган умумий қиймати 120 минг еврога тенг бўлган 20 та олтин қуймасини ўзи билмаган ҳолда чиқинди қутисига ташлаб юборган. 

Эртаси куни у хатосини англаб, полицияга мурожаат қилган. Бироз иккиланишдан сўнг, ҳуқуқни муҳофаза қилиш органлари ходимлари видеокузатув ёзувларини кўриб чиқиб, унинг гаплари ҳақиқатлигини аниқлаган.

Бу пайтда эркакнинг олтинлари аллақачон Угентодаги полигонга чиқиндилар билан олиб кетилган. Барча қимматбаҳо буюмлари бўлган қалай қутича полиция қидирувлар натижасида топилиб, қонуний эгасига қайтарилган.

Эслатиб ўтамиз, аввалроқ Франция жанубидаги Овернь минтақасида яшовчи 52 ёшли фермер Мишель Дюпон ўзининг ер участкасидан 3,5 миллиард евродан ортиқ қийматга эга бўлган олтин бўлакларини топиб олганди.

Жавоҳир Алиқулов