Дунёнинг жиноятчилик энг урчиган давлатлари аниқланди. Ўзбекистон қайси поғонада?

Жамият

−

10 Апрель 2023 visibility19597

2023 йилдаги жиноятчилик даражаси энг юқори бўлган давлатлар рўйхати эълон қилинди. Бу ҳақда “World Population Review” тадқиқот портали хабар берди.

Жиноятлар сони ҳар 100 000 аҳоли ичидан барча турдаги жиноятларни содир этган кишилар сони аниқланиши орқали ҳисоблаб чиқилган.

100 000 кишига нисбатан дунёда жиноятчилик даражаси энг юқори ўнталикка эга бўлган давлатлар қуйидагилар:

Венесуела (83,76);
Папуа-Янги Гвинея (80,79);
Жанубий Африка (76,86);
Афғонистон (76,31);
Гондурас (74,54);
Тринидад ва Тобаго (71,63);
Гаяна (68,74);
Сальвадор (67,79);
Бразилия (67,49);
Ямайка (67,42).

Марказий Осиё давлатлари ичида Қирғизистон энг юқори даражада жиноятчилик содир этиладиган давлатлар қаторидан жой олган. Мамлакатда ҳар 100 минг аҳолидан 56,87 киши жиноят содир этган. Бу эса Қирғизистонни индексда 31 ўринга жойлаштиради. Шунингдек, Қозоғистонда ҳам жиноятлар кам эмас. Давлат 40-ўринда (53,77) қайд этилган.

Ўзбекистон эса жиноятчилик нисбатан камроқ содир этиладиган давлатлар қаторида. Ўзбекистон фуқаролари ичида ҳар 100 минг аҳолидан 33,42 киши жиноят содир этиб, 99-ўринда қайд этилган. Туркманистон ва Тожикистон рўйхатда йўқ.

Шунингдек, бошқа давлатлардан Франция 44-ўрин (51,99), Эрон 48-ўрин (49,38), АҚШ 56-ўрин (47,81), Буюк Британия 64-ўрин (46,07), Россия 86-ўрин (39,99), Туркия 88-ўринда (39,62) жойлашган.

“Жиноят даражаси турли мамлакатларда фарқ қилади ва кўплаб омилларга боғлиқ. Масалан, қашшоқлик ва ишсизликнинг юқори даражаси мамлакатда жиноятчилик даражасини оширади. Аксинча, полициянинг қатъий ижроси ва қаттиқ жазолар жиноятчилик даражасини пасайтиради. Ёш ва жиноятчилик ўртасида ҳам кучли боғлиқлик мавжуд. Аксарият жиноятлар, айниқса зўравонлик билан боғлиқ жиноятлар 20-30 ёшлардаги шахслар томонидан содир этилади”, дейилади хабарда.

Тадқиқотда қайд этилишича, дунёдаги энг кам жиноятлар Швейцария, Дания, Норвегия, Япония ва Янги Зеландияда кузатилган. Бу мамлакатларнинг ҳар бирида ҳуқуқ-тартибот органларининг самарадорлиги юқори баҳоланган. Қурол билан боғлиқ дунёдаги энг қатъий қонунлар ҳам Дания, Норвегия ва Японияда амал қилади.

Мақола муаллифи