ДТМ тавсиянома олган хотин-қизларга мурожаат билан чиқди
Жамият
−
16 Июль 2020
18474Давлат тест маркази хотин-қизлар учун ажратилган 4 фоизлик қўшимча квота масаласида мурожаат билан чиқди. Унга кўра, бундай қўшимча квотага кириш учун тавсияномага эга абитуриентлар онлайн рўйхатдан ўтишда тавсиянома маълумотларини дастурга киритмайди.
Негаки, Маҳалла ва оилани қўллаб-қувватлаш вазирлиги томонидан жорий йил 15 июлга қадар тегишли тавсияномаларни хотин-қизларга бериш ва 20 июлга қадар тавсиянома берилган талабгорларнинг якуний рўйхати Давлат тест марказига тақдим этилиши белгиланган.
Яъни, тавсияномага эга хотин-қизлар ҳақидаги маълумотлар Маҳалла ва оилани қўллаб-қувватлаш вазирлиги томонидан Давлат тест марказига тақдим этилади ва мазкур маълумотлар асосида абитуриентларга имтиёз қўлланилади.
Эслатиб ўтамиз, Давлат комиссиясининг 1-сон баёни билан 2020-2021-ўқув йили учун хотин-қизларга ажратилган тўрт фоизли қўшимча давлат гранти асосидаги қабул кўрсаткичларининг ҳудудлар кесимидаги тақсимоти тасдиқланган.
Унга кўра, хотин-қизлар учун олий таълим муассасалари бакалавриатининг кундузги таълим шаклига қўшимча давлат гранти асосида ҳудудлар кесимида жами 940 та квота ажартилган.
Хотин-қизлар учун қўшимча квота фақат кундузги таълим шакли учун ажратилган бўлиб, сиртқи ва кечки таълим шакллари учун татбиқ этилмайди.
LiveБарчаси
07 Ноябрь 2023
07 Ноябрь 2023
07 Ноябрь 2023
07 Ноябрь 2023