Долларнинг расмий курси қарийб 200 сўмга кўтарилди

Жамият 18816
image
-

Ўзбекистонда сўмнинг долларга нисбатан қадрсизланиши тезлашди. Марказий банк хорижий валюталарнинг эртага, 17 март куни амалда бўладиган курсини эълон қилди. Доллар 180 сўмга қимматлашган.

Регулятор белгилаган курсга кўра, 17 март куни 1 АҚШ доллари 11 330,38 (+180,26 сўм) сўмга тенг бўлади.

Евро ҳам сўмга нисбатан кескин мустаҳкамланган – 1 евро 12 488,69 сўм (+177,98).

Охирги вақтларда халқаро майдонда энг беқарор валюта деб топилган рубль ҳам сўмга нисбатан ўз позициясини мустаҳкамлаган. 1 рубль 105,15 сўм (+5,89 сўм).

Эслатиб ўтамиз, бугун, 16 март куни Ўзбекистондаги тижорат банклари долларни 11 200 – 11 385 сўмдан сотмоқда.

Суннатилла Абдуллаев
Мақолага баҳо беринг
Баҳолаганлар: 1034
Рейтинг: 3
t
×