Банкларда доллар курси 11 400 сўмга яқинлашди

Жамият 7124
image
-

Бугун, 16 мартдан эътиборан Ўзбекистондаги баъзи тижорат банкларида доллар 11 385 сўмдан сотила бошланди. Бу мамлакатда доллар курси тарихидаги энг юқори кўрсаткичдир.

Тижорат банкларида доллар 11 200 – 11 385 сўмдан сотилмоқда. Ўз навбатида банклар долларни 11 335 – 11 100 сўмдан сотиб олмоқда.

Маълумот учун, Марказий банк томонидан ўрнатилган расмий курсга кўра, 16 мартдан 1 АҚШ доллари 11 150,12 сўмга тенг. Кеча доллар курси бирдан 117,09 сўмга кўтарилган.

Қайд этиш керакки, Ўзбекистонда доллар курси 2 мартдан бери (фақатгина 7 март куни пасайган) кўтарилиб келмоқда. Сўнгги кунларда сўмнинг долларга нисбатан қадрсизланиши тезлашди.

Суннатилла Абдуллаев
Мақолага баҳо беринг
Баҳолаганлар: 300
Рейтинг: 3
t
×