Dog‘iston va Chechenistonda Telegram bloklandi

Telegram messenjeri Rossiya Federatsiyasi tarkibidagi Dog‘iston va Chechenistonda bloklandi. Bu haqda Dog‘iston Respublikasi raqamli rivojlanish vaziri Yuriy Gamzatov ma’lum qildi.

“Telegram'ni Shimoliy Kavkaz federal okrugining ikki hududida – Checheniston va Dog‘istonda bloklash to‘g‘risidagi qaror huquq-tartibot idoralari taklifi asosida federal darajada qabul qilingan. U ko‘pincha dushmanlar tomonidan qo‘llaniladi, bunga Maxachqal’a aeroportidagi tartibsizliklar misol bo‘la oladi. Ehtimol, kelajakda Telegram blokdan chiqariladi”, dedi Gamzatov.

north_east

Maxachqal’a aeroportida Isroildan qaytgan samolyot tufayli tartibsizlik yuz berdi (video)

Dog‘istonning raqamli rivojlanish vaziri muqobil sifatida VKontakte'dan foydalanishni tavsiya qildi.

Ma’lumot uchun, Maxachqal’a aeroportida tartibsizliklar 2023 yilning 29 oktyabr kuni Yaqin Sharqdagi vaziyat keskinlashib borayotgan bir paytda Tel-Avivdan uchgan, bortida Isroil fuqarolari bo‘lgan samolyot qo‘nganidan keyin sodir bo‘lgan.