Давлат Думаси дунёни Киевга қарши қайрайдиган баёнот қабул қилди

Олам 19575
image

Россия Федерацияси Федерал Мажлиси Давлат Думаси Кенгаши сўнгги бир неча ҳафта ичида Украина ҳарбий бўлинмалари томонидан Европанинг энг йирик Запорожье атом электр станциясини ўққа тутилишини кескин қоралайди. Бу ҳақда Давлат думаси кенгашининг бугун, 25 августда ўтказилган навбатдан ташқари йиғилишида қабул қилинган ҳужжатда айтилган. 

"ЗАЭСнинг муҳим инфратузилмаси ракета ва артиллерия зарбаларига дучор бўлмоқда, уларнинг ядровий ва жисмоний хавфсизлигининг бузилиши Европа қитъасининг марказида кенг кўламли фалокат билан таҳдид қилмоқда. Киевнинг эҳтиётсиз ҳаракатлари, ЗАЭСни ўққа тутишга буйруқ бериш оқибатлари ҳақиқатдан қўрқинчли бўлиши мумкин”, дейилади ҳужжатда. 

Россия парламенти Россия Федерациясида Курск атом электр станциясига олиб борувчи электр узатиш линияларини бузаётган “украиналик диверсантлар”нинг ҳаракатларига эътибор қаратган. 

“Атом электр станцияларидаги бир қатор йирик авариялар Киев ва унинг НАТО ҳомийларига ҳеч қандай дарс бермагани аниқ. Русофоб мафкураси ядровий хавфсизлик тамойилларидан устун туради”, дея таъкидлаган баёнот муаллифлари. 

Давлат Думаси Кенгаши Запорожье АЭСни ҳимоя қилишни фақат "Россия ҳарбийларининг фидойилиги туфайли" таъминлаш мумкинлигини таъкидлаган. 

"Россия БМТ Хавфсизлик Кенгашида Украина томонидан ЗАЭСга зарба беришга йўл қўйилмаслиги ҳақидаги саволни доимий равишда кўтаради. Киев режимининг жиноятларини рад этиб бўлмайдиган далиллар келтиради. Киевга таъсир ўтказаётган давлатларни Украина томонини ўқ узишни дарҳол тўхтатишга мажбурлашга чақиради. 

Давлат Думаси Кенгаши БМТ ва МАГАТЭни, шунингдек, миллий парламентлар, парламентлараро ташкилотлар ва органларни Киевнинг жиноий ҳаракатларига принципиал баҳо беришга, шунингдек, Украина расмийларидан радиоактив ҳалокатга олиб келадиган, кимёвий ва биологик ифлосланиш ва техноген фалокат хавфини туғдирадиган ЗАЭС ва бошқа объектларни ўққа тутишни зудлик билан тўхтатишни талаб қилишга чақиради", дейилади ҳужжат матнида. 

Давлат думаси кенгаши Украинага қурол етказиб беришни тўхтатишни талаб қилмоқда. 

Давлат Думаси Кенгаши Россия томонининг агентлик мутахассислари “Украинанинг доимий ҳужумлари” натижасида бутун инсоният учун фожиали оқибатларга олиб келадиган атом электр станциясида юзага келган таҳдидлар мавжудлиги ҳақида гувоҳлик беришлари учун Запорожье АЭСига халқаро МАГАТЭ миссиясини ташкил этиш учун барча зарур ишларни қилишга тайёрлигини тасдиқлайди. 

Qalampir.uz Tahririyati
Мақолага баҳо беринг
Баҳолаганлар: 600
Рейтинг: 3
Теглар
t
×