Давлат Бобонов ҳарбийлар ўртасида Жаҳон чемпионлигини қўлга киритди
Спорт
−
31 Октябрь 2021 7558
Бугун, 31 октябрь куни Франция пойтахти Париж шаҳрида дзюдо бўйича ҳарбийлар ўртасидаги Жаҳон чемпионатининг иккинчи куун баҳслари ўтказилди.
Бироз аввал, 90 кг вазн тоифасидаги беллашувларда Ўзбекистон шарафини ҳимоя қилган Токио Олимпиадаси совриндори Давлат Бобонов финал баҳсини ғалаба билан якунлади. Ўзбекистоннинг 2020 йилдаги энг яхши спортчиси ҳал қилувчи беллашувда бразилиялик Годой Де Мачедо устидан зафар қучди.
Эслатиб ўтамиз, Давлат Бобонов финалга қадар Австрия, Россия ва Словакия дзюдочиларидан устун келган эди.
Шунингдек, 40-маротаба ташкил этилаётган мусобақанинг илк кунида Ўзбекистон терма жамоаси аъзолари Диёра Келдиёрова ва Дилшодбек Баратов ўз вазн тоифаларида олтин медалга эга чиқишган эди.
Маълумот учун, Халқаро дзюдо федерациясининг (IJF) янгиланган рейтингига кўра, Давлат Бобонов биринчи ўринда қайд этилган.
Live
Барчаси
