CONMEBOL ЖЧда 64 та жамоа иштирок этишини истамоқда

Жанубий Америка футбол конфедерацияси (CONMEBOL) президенти Алехандро Домингес 2030 йилги Жаҳон чемпионатида 64 та жамоа иштирок этишига умид билдирди. Бу ҳақда у ўзининг ижтимоий тармоқдаги саҳифасида маълум қилди.

2030 йилги мундиалга Испания, Португалия ва Марокаш мезбонлик қилади. Шунингдек, Аргентина, Уругвай ва Парагвайда гуруҳ босқичининг биттадан учрашуви ўтказилиши режалаштирилган.

“2030 йилги Жаҳон чемпионати Уругвай, Аргентина ва Парагвайда бошланади. Бу футбол тарихидаги Жаҳон чемпионатининг 100 йиллигини 64 та жамоа иштирок этадиган турнир билан нишонлаш учун ажойиб имконият”, деб ёзди Домингес.

Маълумот учун, 2026 йилги Жаҳон чемпионати тарихда илк бор 48 та жамоа иштирокида ўтказилди.

Эслатиб ўтамиз, аввалроқ FIFA президенти Жанни Инфантино келажакда Жаҳон чемпионатида иштирок этувчи миллий терма жамоалар сонини 64 тагача ошириш масаласи кўриб чиқилиши мумкинлигини маълум қилганди.