CNN: АҚШда қулаб тушган уй таъмирланиши керак бўлган 

Олам 1876
image
-

Флоридада (АҚШ) қисман қулаб тушган уйдаги квартираларнинг эгалари ўз хонадонларини таъмирлашни режалаштирган бўлган. Таъмирлаш ишлари 15 миллион долларга баҳоланган. Бу ҳақда CNN хабар бермоқда.  

Журналистларга ошкор қилинган ҳужжатларга кўра, таъмирлаш режаси жорий йилнинг апрель ойида квартиралар эгалари бирлашмаси томонидан тасдиқланган. Таъкидланишича, 1 июлга қадар уюшма аъзолари таъмирлаш учун зарур бўлган маблағларнинг бир қисмини топширишлари ёки қисмларга бўлиб тўлашга рози бўлишлари кутилганди. Уй эгалари уйнинг майдони ва тартибига қараб жами 80 000 дан 336 000 долларгача тўлаши керак бўлган. 

2018 йилги ҳисоботга кўра, сув оқиши бинонинг бетон плитасига “жиддий структуравий зарар етказган”. 

Рўйхатдаги энг қиммат иш — фасад, балкон ва панжараларни таъмирлаш 3,4 миллион долларга баҳоланган. Телеканалнинг таъкидлашича, таъмирлаш учун бундай қонун лойиҳаси кўплаб квартира эгалари учун “ёқимсиз сюрприз бўлган”. 

Эслатиб ўтамиз, 24 июнь куни АҚШнинг Флорида штатининг Сарфсайд шаҳрида 12 қаватли турар-жой биноси қулаб тушганди. Сўнгги маълумотларга кўра, оқибатда камида 11 киши ҳалок бўлган ва 159 киши бедарак йўқолган. 

Рушана Султонова
Мақолага баҳо беринг
Баҳолаганлар: 38
Рейтинг: 2.9
Теглар
t
×