Черков томи қулаши оқибатида тўққиз киши ҳалок бўлди (видео)
Олам
−
02 Октябрь 2023 5262
Мексикада черков томи қулаши оқибатида тўққиз киши ҳалок бўлди. Бу ҳақда BBC хабар берди.
Айрим маълумотларга кўра, 30 киши Сьюдад-Мадеро шаҳридаги Санта-Круз черкови томи остида қолиб кетган.
Тамаулипас штати полицияси эса фалокат юз берган вақтда чўқинтириш маросими бўлиб ўтаётган черковда 100 га яқин одам бўлганини айтган.
Том вайроналари остида қолганлар орасида бир нечта болалар борлиги тахмин қилинмоқда. Қутқарув ишлари ҳали ҳам давом этяпти.
Ижтимоий тармоқлардаги суратларда черков биноси вайронага айлангани ва одамлар вайроналар атрофида тўпланиб, ичида қолиб кетганларни астойдил қидираётгани акс этган.
Хабарларга кўра, ҳокимият воқеа жойига йиғилганлардан ичкарида кимдир ёрдам сўраган бўлса, эшитишлари учун сукут сақлашни талаб қилган.
Акобир Сайидов
Live
Барчаси
