Чеченистондаги кафеда СОБР ва ОМОН жангчилари ўртасида отишма чиқди
Олам
−
27 Октябрь 2020 15098 1 дақиқа
Чеченистонда СОБР ва ОМОН жангчилари ўртасида отишма содир бўлди. Оқибатда икки киши ҳалок бўлди. Бу ҳақда ТАСС хабар бермоқда.
Маълумотларга кўра, можаро Ачхой-Мартан қишлоғидаги Smile кафесидаги оғзаки жанжалдан бошланган. Муассаса менежери маст бўлган икки ОМОН ходимини – ака-ука Шамил ва Шамхан Марзабековларни кўчага олиб чиқиб, уларни тинчлантиришга ҳаракат қилган. У Россия гвардиясининг бир танишидан меҳмонларга ёрдам беришни илтимос қилади ва воқеа жойига учта СОБР жангчиси етиб келади.
Хавфсизлик кучлари аввал пичоқлашишган, сўнгра бир-бирларига қарата ўқ узишган. Оқибатда уч киши яраланган, икки киши вафот этган. Қурбонлар ва жабрланганларнинг шахсига аниқлик киритилмаган.
Айни пайтда дастлабки суриштирув ишлари олиб борилмоқда.
Live
Барчаси
