“Бузғунчи турклар” уйғонмоқда

Спорт

image

Хабарингиз айни пайтда бутун дунё бўйлаб миллий терма жамоалар турли йиғинларда ва расмий ўйинларда иштирок этишмоқда.

Европа қитъасида кейинги йили ўтказиладиган ЕВРО-2020 мусобақаси учун саралаш босқичи бўлиб ўтяпти. Саралаш доирасида ўтказилган бир қатор ўйинлар бутун футбол мухлисларининг эътибори марказида бўлиб турган бўлсада, кеча Туркиянинг Коня шаҳрида бўлиб ўтган баҳс ва унинг натижаси ҳаммани бирдек карахт қилиб қўйди.

Охирги бир неча йилликда арзирли натижалар билан мақтана олмаётган Туркия терма жамоаси шу куни ўз мухлислари кўз ўнгида амалдаги Жаҳон чемпиони Франция терма жамоасини қабул қилди.

Ҳеч ким кутмаганда шов-шув кўтаришни хуш кўрадиган турк футболчилари яна бир бор бутун дунё эътиборини ўзларига қаратди. 

Жорий йилнинг 2 июнь куни Ўзбекистон терма жамоасини 2:0 ҳисобида мағлуб этган Туркия терма жамоаси бу гал худди шундай ҳисобда Франция терма жамоасини таслим этди.

Ўйиннинг 30 дақиқасида Каан Айхан боши билан Уго Льорис дарвозасини ишғол этган бўлса, орадан 10 дақиқа ўтиб, “Рома” клуби форварди Чингиз Ундер ўнг қанотдан кучли зарб билан тўпни французлар дарвозасига жойлаб қўйди.

Туркия – Франция 2:0 (2:0, 0:0).
Коня шаҳри, “Коня Буюкшаҳар” стадиони.

Голлар: 1:0 – Каан Айхан (30), 2:0 – Чингиз Ундер (40).

Эътиболиси, бутун ўйин давомида амалдаги жаҳон чемпионлари Туркия дарвозаси яқинида бирорта хавфли вазият ярата олишмади.

Маълумот учун, Туркия ушбу ғалабадан сўнг 3 та ўйинда 9 очко тўплаган ҳолда гуруҳ етакчиси бўлиб турибди. Эътиборлиси турклар ортда қолган ўйинлар давомида бирор марта ўз дарвозаларидан гол олиб чиқмади. Турклар учун кейинги ўйин 11 июнь куни сафарда Исландия терма жамоасига қарши кечади.


Мақола муаллифи

Теглар

Франция Туркия Футбол ЕВРО 2020

Баҳолаганлар

37

Рейтинг

3

Мақолага баҳо беринг

Дўстларингиз билан улашинг