Bundestag Mersni Germaniya kansleri etib sayladi
Olam
−
06 may 6423 1 daqiqa
Bundestag ovoz berishning ikkinchi bosqichida Xristian-demokratik ittifoq rahbari Fridrix Mersni Germaniya kansleri etib sayladi.
Mers saylanishi uchun 316 ovoz kerak edi, u 325 ovoz oldi. Uning nomzodiga 289 deputat qarshi ovoz berdi, 1 nafari betaraf qoldi.
“Men ovoz berish natijalarini qabul qilaman”, dedi bugun, 6 may kungi ovoz berishning birinchi bosqichida g‘alaba qozona olmagan Mers.
Eslatib o‘tamiz, joriy yilning 5 may kuni Berlindagi Bendlerblok harbiy majmuasi hovlisida Germaniya kansleri Olaf Shols bilan vidolashuv marosimi bo‘lib o‘tgan edi. An’anaviy “Buyuk oqshom shon-shuhrati” (Der Große Zapfenstreich) marosimida so‘zlagan Shols hamjihatlikka, demokratik qadriyatlarni asrab-avaylashga chaqirgan.
Live
Barchasi
