Бухорода 9 қаватли бино аланга ичида қолди (видео)
3-саҳифа
−
24 Июль 2023 9541
Бухоро вилояти Бухоро шаҳрида жойлашган кўп қаватли бинода катта ёнғин юз берди. Бу ҳақда вилоят Фавқулодда вазиятлар бошқармаси матбуот хизмати хабар берди.
Унда айтилишича, бугун, 24 июль куни соат 12:20 да Бухоро шаҳар “Бунёдкор” маҳалласида жойлашган янги қурилаётган 9 қаватли уйнинг чап ён томони юза қисми ёнган.
Воқеа жойига 5 та ёнғин ўчириш автоэкипажлари жалб этилган. Бўлинмалар воқеа жойига соат 12:22 да этиб бориб, 12:49 да ёнғин батамом ўчирилган. Бунинг оқибатида фуқароларни куйиш, тан-жароҳати олиш ва ҳалок бўлиш ҳолатлари қайд этилмаган.
Дастлабки маълумотга кўра, ёнғиннинг келиб чиқиш сабаби пайвандлаш ишларида хавфсизлик қоидаларини бузилиши деб тахмин қилинган. Ҳозирда кўрилган моддий зарар аниқлаштирилмоқда.
