Buxoroda 9 qavatli bino alanga ichida qoldi (video)
3-sahifa
−
24 iyul 2023 9542
Buxoro viloyati Buxoro shahrida joylashgan ko‘p qavatli binoda katta yong‘in yuz berdi. Bu haqda viloyat Favqulodda vaziyatlar boshqarmasi matbuot xizmati xabar berdi.
Unda aytilishicha, bugun, 24 iyul kuni soat 12:20 da Buxoro shahar “Bunyodkor” mahallasida joylashgan yangi qurilayotgan 9 qavatli uyning chap yon tomoni yuza qismi yongan.
Voqea joyiga 5 ta yong‘in o‘chirish avtoekipajlari jalb etilgan. Bo‘linmalar voqea joyiga soat 12:22 da etib borib, 12:49 da yong‘in batamom o‘chirilgan. Buning oqibatida fuqarolarni kuyish, tan-jarohati olish va halok bo‘lish holatlari qayd etilmagan.
Dastlabki ma’lumotga ko‘ra, yong‘inning kelib chiqish sababi payvandlash ishlarida xavfsizlik qoidalarini buzilishi deb taxmin qilingan. Hozirda ko‘rilgan moddiy zarar aniqlashtirilmoqda.
