Бухоро ҳокимига янги ўринбосар тайинланди
Жамият
−
30 Ноябрь 7533
Бухоро вилояти ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари лавозимига Бахтиёр Одилов тайинланди. Бу ҳақда вилоят ҳокимлиги матбуот хизмати хабар берди.
У бунгача Бухоро вилояти Иқтисодиёт ва молия бош бошқармаси бошлиғи вазифасида ишлаб келаётган эди.
Қайд этилишича, Ҳамроев Мирали Муҳаммаджонович ўз аризасига кўра Бухоро вилояти ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари лавозимидан озод қилинган.
Маълумот учун, янги тайинланган Бахтиёр Адилов 1986 йил 22 июнда Бухоро шаҳрида туғилган. У 2008 йилда Бухоро давлат университетини битирган. Маълумоти бўйича мутахассислиги — иқтисодчи.
Эслатиб ўтамиз, бугун, 30 ноябрь куни Бухоро вилоятининг Пешку ва Вобкент, Қоровулбозор туманлари ҳамда Когон шаҳрига ҳокимлар тайинланганди.
Муҳаммад Ҳодиев
Live
БарчасиЖанубий Кореяда ҳарбий ҳолат жорий этилди.
03 Декабрь
