Buxoro hokimiga yangi o‘rinbosar tayinlandi

Jamiyat

−

30 noyabr visibility7589

Buxoro viloyati hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari lavozimiga Baxtiyor Odilov tayinlandi. Bu haqda viloyat hokimligi matbuot xizmati xabar berdi.

U bungacha Buxoro viloyati Iqtisodiyot va moliya bosh boshqarmasi boshlig‘i vazifasida ishlab kelayotgan edi.

Qayd etilishicha, Hamroyev Mirali Muhammadjonovich o‘z arizasiga ko‘ra Buxoro viloyati hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari lavozimidan ozod qilingan.

Ma’lumot uchun, yangi tayinlangan Baxtiyor Adilov 1986 yil 22 iyunda Buxoro shahrida tug‘ilgan. U 2008 yilda Buxoro davlat universitetini bitirgan. Ma’lumoti bo‘yicha mutaxassisligi — iqtisodchi.

Eslatib o‘tamiz, bugun, 30 noyabr kuni Buxoro viloyatining Peshku va Vobkent, Qorovulbozor tumanlari hamda Kogon shahriga hokimlar tayinlangandi.

Muhammad Hodiyev

Maqola muallifi