Bugun Toshkentning 3 tumanida gaz o‘chiriladi
Jamiyat
−
24 avgust 2023 4776 1 daqiqa
Bugun, 24 avgust kuni poytaxt Toshkentning Yunusobod, Sergeli va Bektemir tumanlarida gaz ta’minoti qisman to‘xtatiladi. Bu haqda Toshkent shahar hokimligi matbuot xizmati xabar berdi.
Aytilishicha, bugun kuz-qish mavsumiga tayyorgarlik doirasida poytaxtning uch tumanida gaz ta’minoti tizimida ta’mirlash va sozlash ishlari amalga oshiriladi. Shu munosabat bilan ushbu tumanlarning ba’zi mahalla va ko‘chalarida gaz ta’minoti vaqtincha to‘xtatiladi.
- Yunusobod tumanida soat 10:00 dan 18:00 gacha: “Yurtobod”, “Shoshtepa”, “Uvaysiy” mahallalari hamda 19-mavzeda;
- Sergeli tumanida soat 11:00 dan 17:00 gacha: “Kuhna Qumariq”, “Daryo bo‘yi” MFYda;
- Bektemir tumanida soat 10:00 dan 19:00 gacha: “Bektemir” MFYda.
Shuningdek, xabarda “Hududgaz Poytaxt” GTF mazkur noqulayliklar uchun uzr so‘ragani ma’lum qilingan.
Live
Barchasi
