Бугун Роналду етакчилигидаги “Ал-Наср” ОЧЛ финали учун курашади
Спорт
−
30 Апрель 3471
Бугун, 30 апрель куни Осиё Чемпионлар лигаси ярим финали доирасида Саудия Арабистонининг “Ал-Наср” клуби Япониянинг “Кавасаки” жамоасига қарши майдонга тушади.
Саудия Про лигасида чемпионлик пойгасидан аллақачон чиқиб кетган “Ал-Наср” бор эътиборини Осиё Чемпионлар лигасига қаратган. “Кавасаки” эса жорий мавсум Япония чемпионатида 13 турдан кейин 18 очко жамғарган ҳолда 8-поғонани қайд этиб келмоқда.
Криштиану Роналду учун ҳам муҳим ўйин. Чунки у “Ал-Наср”га келганидан кейин ОЧЛ чемпионлигига ҳар доимгидан кўра яқинроқ турибди.
Қайд этиш жоиз, кеча, 29 апрель куни ушбу турнир ярим финалининг илк ўйинида “Ал-Ҳилол” “Ал-Аҳли”га қарши ўйнади ва 3:1 ҳисобида мағлуб бўлди.
Маълумот ўрнида, “Ал-Наср”- “Кавасаки” ўртасидаги ўйин бугун, 30 апрель куни Тошкент вақти билан 21:30 да старт олади.
Live
Барчаси
