Британиядаги шифохоналарда минглаб жарроҳлик амалиёти бекор қилинди

Мамлакатдаги ёмонлашган эпидемиологик вазият туфайли Британия шифохоналари минглаб операцияларни бекор қилмоқда. Тиббиёт муассасаларида ётадиган ҳар ўнинчи ўринни коронавирус билан касалланган беморлар эгаллаган. Бу ҳақда “Euronews” телеканали хабар бермоқда.

Фақат икки ҳафта ичида шифохоналар одам билан банд бўлади, дейди Британия Вазирлар Маҳкамаси ҳузуридаги Фавқулодда илмий маслаҳат гуруҳи мутахассислари. Натижада, 20 дан ортиқ Миллий соғлиқни сақлаш хизмати минтақавий касалхоналар трестлари мунтазам равишда касалхонага ётқизишни тўхтатдилар.

Сўнгги маълумотларга кўра, мамлакатда жарроҳлик амалиётини кутаётган 3,6 миллиондан ортиқ киши бор. Ҳукумат институтининг айтишича, ҳукумат яқин келажакда пандемияга қарши курашиш учун қўшимча маблағ ажратмаса, кутиш рўйхатлари янада узаяди.

Буюк Британияда кунига 20 мингдан ортиқ коронавирус касаллиги қайд этилади. Юқтирилган одамларнинг умумий сони миллиондан ошди. Ҳаммаси бўлиб 46,7 минг юқтирган одам вафот этди. Бу Европадаги энг юқори кўрсаткич ҳисобланади.