Бош прокурор ўринбосари лавозимидан кетиш учун ариза ёзгани айтилмоқда

Жамият

−

15 Апрель 2024 visibility38496 timer1 дақиқа

Бош прокуратура ҳузуридаги Иқтисодий жиноятларга қарши курашиш департаменти бошлиғи Шамсиддин Соҳибназаров лавозимидан ўз хоҳишига кўра озод қилиниши ҳақида Бош прокурор номига ариза тақдим этди. Бу ҳақда QALAMPIR.UZ манбаси хабар берди.

Соҳибназаров ушбу лавозимда 2023 йилнинг октябридан бери ишлаб келаётганди.

Жорий йил бошида Президент Шамсиддин Соҳибназаровни Бош прокурор ўринбосари – Иқтисодий жиноятларга қарши курашиш департаменти бошлиғи лавозимига тайинлаш тўғрисидаги фармонни имзолаганди.

Маълумот ўрнида, "Прокуратура тўғрисида"ги Қонуннинг 18-моддасига асосан Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти бошлиғи Ўзбекистон Республикаси Бош прокурорининг тақдимномасига биноан Ўзбекистон Республикаси Президенти томонидан лавозимга тайинланади ва лавозимидан озод этилади.

Мақола муаллифи